АСБК ТУРЛАРЫ 
Ақбөкендердің Қазақстаннан Өзбекстанға қарай көшуі расталды
3 June 2020
2020 жалдың сәуірінде ҚБСА және ҚР Шекара қызметі қызметкерлерінің бірлескен бақылау жұмыстарының нәтижесінде ақбөкендердің арнайы тосқауылдар арқылы шекарадан көшуі туралы растама алынды.
2012 жылдан бастап ҚБСА ҚР Шекара қызметі және ҚР ЭГТРМ Орман шаруашылығы және жануарлар дүниесі комитетімен бірлесіп, ақбөкендердің көшуіне кедергі жасайтын шекаралық тосқауылды жеңілдетуге бағытталған жұмыс жүргізеді. Осы тосқауылдар 260 шақырымға Аралдан батысқа қарай көсіледі, яғни, Үстірт ақбөкендердің көшу жолдарына дейін жетеді. 2015 жылы ҚБСА ұсыныстарының негізінде Шекара қызметі әр шақырымдағы сымның төменгі екі қатарын алып, тосқауылдарды қайта жөндетті. Осы жұмыстың нәтижесінде ақбөкендер көше алатындай 125 өту жолы жасалды. Ақбөкендер оларды бүгіліп өте алады.
Биылғы қыста Өзбекстанда тіркелген ақбөкендер туралы ақпарат пайда болды. 2020 жылдың сәуірінде ҚБСА Шекара қызметкерлерімен бірге жаңадан жасалған өту жолдарын зерттеп, ақбөкендер қай жерден көшіп келгендерін анықтау үшін шекара жолағына барды. 335 шақырымдық бағытта мамандар ақбөкендер осы аумақты кесіп өткенін растады. Жануарлардың іздері жеті жерде тіркелді. Үш жағдайда ақбөкендер тосқауылдың бойымен жүріп өтті, төрт жағдайда олар шекарадан өтті. Сонымен қатар, ақбөкендерді бақылайтын шекарашылардан және жергілікті тұрғындардан ақпарат алынды: 2019 жылдың желтоқсан айында – 15 дара, 2020 жылы сәуірде – 4 дара.
Алайда, ақбөкендердің көрші елдің аумағына көшуі туралы толық ақпарат алу үшін қосымша ақпарат қажет. Болашақта ҚБСА серіктік қарғылардың көмегімен пайда болған мәліметтерді қолданады. Күзде Үстірт популяциясының бірнеше дарасына осы спутниктік таратқыштар орнатылады деп жоспарлануда. Шекара күзетімен бірлесіп қосымша сапарлар жыл соңында жоспарланған.
Бұл жұмысты «Алтын Дала» табиғатты қорғау бастамасы (ADCI) аясында Қазақстан биоалуантүрлілікті сақтау ассоциациясы (ACBK) Қазақстан Республикасы экология, геология және табиғи ресурстар министрлігінің орман шаруашылығы және жануарлар дүниесі комитетінің, Fauna and Flora International (FFI) қолдауымен жүзеге асырады.
Поделиться с друзьями