АСБК ТУРЛАРЫ 
Selevinia журналының 2022 жылғы жаңа саны шықты
13 January 2023
Қазақстан мен Орталық Азия зоологиялық жылнамасының 2022 жылғы жаңа нөмірі жарыққа шықты. Бұл 1993 жылдан бергі әрекеттегі ғылыми журналдың 30-шы шығарылымы. Оған тұяқты жануарлардың құрғақ климатқа және су тапшылығына қалай бейімделетіні жайлы мақалалар, birds.kz сайтына сәйкес 2014-2022 жылдарда Қазақстанда кезіккен аса тартымды құстарға шолу, құстардың қеміргіштерге қарсы күресуші заттармен (родентицид) улануы мәселесі туралы материал және басқа да ғылыми мақалалар, қысқаша хабарламалар мен жазбалар кірді.
Материалдар қатарында біздің қызметкерлеріміз Алена Кошкина және Руслан Уразалиевтің бірлескен авторлармен еңбектері бар: “Жоғары ажыратымдылықтағы жерсеріктік түсірімдерге сәйкес Қазақстанда боз суырдың таралуы мен саны ” және “Теңіз-Қорғалжын өңірінде Oxyura leucocephala ақбас үйректі аулау және таңбалау тәжірибесі”
Журналдың жаңа шығарылымын https://selevinia.kz/ сайтынан қарап шығуға және жүктеп алуға болады.