АСБК Кеңесі мүшелері

ВАЛЯЕВА МАРИЯ

Қазақстанда, сонымен қатар Австралияда, Жаңа Зеландияда, Оңтүстік Кореяда, Үндістанда шығарылатын, сондай-ақ Chip-Holding GmbH баспа үйімен бірлесіп Германия, Бельгия, Нидерланды, Люксембург, Швейцария, Лихтенштейн және Австрияда CHIP Wissen брендімен шығатын OYLA ғылыми-көпшілік журналының бас редакторы.

2011 жылы Қостанай қаласының №1 мектебін "Алтын белгімен" бітірді. 2011-2015 жылдары Әл-Фараби атындағы ҚазҰУ-да биотехнология мамандығы бойынша оқыды, 2017 жылы сол ЖОО-да техника ғылымдарының магистрі дәрежесін алды.

2015-2017 жылдары ҚР БҒМ ғылыми-зерттеу институтында биология және биотехнология мәселелері бойынша тағылымгер-зерттеуші болып жұмыс істеді. 2015 жылдан бастап OYLA журналында ғылыми журналист қызметін бастады.

ЕРЗАКОВИЧ ЕЛЕНА 

Velofriends ҚҚ директоры. Қалаларды тұрақты дамыту және көлік саясаты саласында сарапшы. "Көк-Жайлауды сақтайық" бастаушы тобының мүшесі.

1994 жылы Санкт-Петербург мәдениет академиясын "Экономика және әлеуметтік-мәдени сала менеджменті" мамандығы бойынша бітірді. Кейін теледидарда және коммерциялық өкілдікте жұмыс істеді.

2001-2008 жылдары ЕО-тың "Каспий маңы қауымдарын тұрақты дамыту" жобасы ОААЭО қоғамдық бастамаларын дамыту бағдарламасын басқарды, бұл табыс көздерінің бірі браконьерлік болған төрт Каспий маңы елдерінде балама табыстарға жағдай жасауға бағытталған. 2007 жылы Мұхиттар халықаралық институтында Ocean Governance бағдарламасы бойынша үш айлық оқуды аяқтады.

Көптеген жылдар бойы ҚР-да Орхус конвенциясын және ОА-да БМҰ табиғатты қорғауды қолдау бағдарламаларын жетілдірумен айналысты. 3 жылдан астам ҚР ҒЭҚ шағын гранттар бағдарламасының сарапшысы болды.

2009-2011 жылдары БҰҰБҒМҰ-ның жаратылыстану ғылымдары бөлімі кластерлік бюросында жұмыс істеді (MAB, ғылыми саясат, су ресурстары және тұрақты энергетика және т.б. бағдарламасын жүргізді).

2011-2017 жылдары көлікті қолданудан парник газдары шығарындыларын азайтуға бағытталған "Алматы қаласының тұрақты көлігі" БҰҰДБ-ҒЭҚ жобасын басқарды. Қазіргі уақытта Орта Азия аймағы басқа қалаларының әкімдіктері мен муниципалитеттеріне экологиялық заңнама, тұрақты көлік және қоршаған ортаға қатысты мәселелер бойынша шешім қабылдауға қоғамның қатысуы жайлы кеңес беруші.

АЙТҚҰЛОВ АЙДАР

1971 жылы туылған Қазақстан Республикасы азаматы, б. ғ. к., "Академик Е. А. Бөкетов атындағы Қарағанды университеті" физиология кафедрасының профессоры.

1993 –  ҚарМУ биология факультетін бітірді.

1988-1989 – ҚарМУ биология факультетінің проблемалық зертханасында зертханашы қызметін атқарды;

1993 - ботаника кафедрасының оқытушысы; 

1994-2000 – еңбек гигиенасы және кәсіптік аурулар ұлттық орталығының экологиялық биохимия және биофизика зертханасының стажер-зерттеушісі, аспиранты, кіші ғылыми қызметкері; 

2000 – 2002 – физиология кафедрасының оқытушысы, аға оқытушысы;

2004 – 2017 – биология-география факультетінің деканы; 

2002 жылдан бастап қазіргі уақытқа дейін – физиология кафедрасының доценті, профессоры. 2016 жылдан бері АСБК мүшесі.

"BALTRAK" халықаралық бағдарламасының (АСБК) республикалық үйлестірушісі. 2 республикалық гранттық жобаны орындаушы, шаруашылық келісім-шарт жұмыстарының басшысы. Барлығы 125-тен астам ғылыми жұмыстар жарияланды, оның ішінде 31 ғылыми мақала ҚР БҒМ БҒСБК ұсынған журналдарда жарияланды. Scopus базасында 3 жарияланым, Web of Science. H-index – 1 (https://www.scopus.com/authid/detail.uri?authorId= 56697595600) базасында 6 мақаласы бар.

РОМАНОВА ОЛЬГА

Агроорман шаруашылығы және тұрақты даму жөніндегі қоғамдық жобалар сарапшысы. Халықаралық агроорман шаруашылығы одағының мүшесі. 2011 жылдан бері АСБК мүшесі. Халықаралық, ғылыми және бейүкіметтік ұйымдардың түрлі экологиялық жобаларына сарапшы, талдаушы және экологиялық мәселелер бойынша кеңесші ретінде қатысады.

2003 жылы Әл-Фараби атындағы ҚазҰУ биология факультетінің бакалавриатын "Экология" мамандығымен және 2005 жылы магистратураны "Биология" мамандығымен сол жерде бітірді. 2020 жылы "Табиғи ресурстарды басқару" саласында магистр дәрежесін, АҚШ-тың Миззури университетінде "Агроорман шаруашылығы" мамандығымен аяқтады. Фулбрайт және Маска бағдарламасының стипендиаты. Табиғи саябақтарда сүрлеу жолдарды жайластыру және экожүйені қалпына келтіру, агроорман жүйелерін орнықтыру және осы салада ғылыми зерттеулер жүргізу бойынша іс жүзінде тәжірибесі бар.

2005-2022 жылдар аралығында БҰҰДБ жобаларында қауымдастықтарды бірлестіруге және жер ресурстарын, жайылымдарды, су ресурстарын тұрақты басқаруға, эко-туризмді дамытуға және экологиялық ағартуға бағытталған жобаларда жұмыс істеді.

2011-2018 жылдары Қазақстандағы Ғаламдық экологиялық қор шағын гранттар бағдарламасында, ондағы биоалуантүрлілікті сақтау жобаларында және білім басқару, қоғаммен жұмыс аясында аса жауапкершілікпен қызмет атқарды.